Gedichte geschrieben - gereimt - einfach nur so... oder doch nicht...
lesen und sich nachdenklich stimmen lassen...
alle Texte auch auszugsweise Copyright by Klaus Krumsdorf
 

Su ne Spinner Ne Kollesch de verzällte mir vum Standard de her lääw bei nem lecker köhle Kölsch ich sinn e Netz datt her sich web Un her verzällt in einem Lauf her käuf sich nur et Best no kooter Zick de Hoor jerauf mein Jott watt lüüch de fess Wo de ald överall jewäse un mein Jott is der Mann belese verzällt vun ennem grooße Huus dausend quadratmeter Jaade un wenn er zo nem Amt enns muß prommp bedeent her muß nitt waade Sprich mer mit ihm över Dauerlauf do säät de nur datt kann ich auch oder beim Leichatletikfess do wor her och immer de Beste Ich halt et nitt uss un saach zo ihm jetz spinn doch nitt esu römm in Wirklichkeet du klein arm Wöösche kannst du jar nix un bis dumm	Sommer De Sunn die sching im janze Land de Schwalwe jaare hin un her zerschnedde is et Frühlingsband de Summer fiert widderkehr Överall de Vüjel singe zwitschern tiriliere un mer süt op Feld un Wald Wanderer maschiere Jetz schleck mer Is aan heiße Daare wenn et Sünnche laach et Hätz datt deht vill hüher schlaare wenn mer Urlaub mät Zacht lieje Düfte in de Luff ich sitz em Jade still de Wöösche lieje op dem Ross de sunn die laach ich grill Minsche süt mer frisch verlieb mer hirot mät sich schick mer fäng sie op de Sunnestrahle oh du Sommerzick
Schwatz Ruut Jold Vereint et Land vun Oss un Wess Verdienst vun Politik un Welt mer wor jetrennt schon lange Zick et wod jeschaff de Muuer fällt Vun Oss un Wess steht jetz et Volk sie stonn am Brandeburjer Tor sie schwenke Fahne schwatz ruut jold Vereinijung rööf mer im Chor E Land datt et jetz nitt mie jitt mit Name hieß et DDR zerstört durch krumme Politik zum Glöck jitt et datt jetz nitt mie Wie schön wör et janz unversteint wenn die Vernunff im Lande siegt wenn sich jetz och datt Volk vereint un krieschend sich im Arme litt Einichkeit un Rääsch un Freiheit Hymne jetz für Oss un Wess Eet wör schön wenn ihr et Volk der Hymnes Sinn nie mie verjesst	Scheidung deht wieh Wenn sich no fünf Ehejore Eldere sich nitt mie verdraare hann die zwei och noch e Künng gläuwen ich die sinn esch blind Wulle scheide sich jetz looße su jet kann mer jar nitt fasse däm Küng däm deht et wieh  Mariesche draurisch steht et do deht kriesche Kütt et nitt mie zum Versönne lääwe Eldere jetz jetrennt wed e Kinderhätzje krank deev im Hätzje et esch brennt Leeve Pap un leev Mam dot üch doch widder verdraare wenn ihr och Problme hat hürt enns zo dot dröver schwaade Vielleich fingdt ihr jo dä Fähler der et Glöck zerschmiltz wie Schnee denkt doch enns aan ür Mariesche su enn Scheidung deht esch wieh
Pänz im Winter Schneebedeck sinn alle Stroße de Wiss de Felder un de Wald sög no Händschoh sög no Mötz un sög de Mantel et is kalt Im Keller do steht dinge Schlidde eruus jeholt poleet de Kufe op de Stroß do stonn ding Fründe un sie rofe un sie rofe Kumm eruss mit dingem Schledde hingerm Sportplatz is ne Berg drusse baut ihr all ne Schneemann de is grooß su wie ne Zwerch Ach wie fröhlich un wie munter maat ihr all en Schneeballschlaach un de Fründe wie sie strahle lang nitt mie wod su jelaach	Op de Baustell Ne Mürer fäng im Deefbau aan Mit Pep ne richtige Mürersmann de Chef de fährt en zum Poleer un der de säät fang aan glich he mit Zeichnung Werkzüch Laareplan fäng her och glich zu müre aan Mein Jott watt bin ich hück schnell denk her un hät de Turm fass bowe un wenn ich hück noch fäädisch wed deht de Poleer mich bestimmp Lowe Nur noch zwei Meter Stein für Stein datt Türmche soll flöck fäädisch sinn jesaat jedonn et is vollbraach woröm nur de Kollesch do lasch Her sät zo im watt bis du dumm falsch luurs du in de Zeichnung erinn de Turm de künnt noch hüher wede doch sullten de ne Brunne sinn
Nie mie die selve Fähler maache Jeht mer hück in de Stadt kann mer sie in Scharre sinn un et is ald bahl de Rejel datt sie in de Zeidung stonn watt sinn datt nur für Minsche die haß erfüllt in Ehre alles watt no Ausland uss sieht ohne jede Grund zerstüre Ausländer jehüre zu Europa datt is unsre Kontinent Minsche uss nem andre Land Kulture sinn su manchmol fremd hann ne andre Glaube enn andere Färw oder Kultur et sinn Minsche uss Europa gläuft et et sinn Minsche nur Fass jeder he uss unserem Land de hät ald Griechisch jejässe ohne dröver nozudenke hät et Ausland her verjässe Iss jekauf beim Italiäner weil et doch et beste is beim Jenuss vun su nem Iss her et Ausland schnell verjiss Ob beim Türke oder Slawe ob im Chinarestaurant bei keinem de jenannte Minsche her et Ausland hät jenannt sie hann nohm Kreesch mit uns erbaut datt watt unser Deutschland is worömm mät mer manche Ausländer jetz janz ohne Gründe mieß Vill hann in de Johre sich e Hüüsje opjebaut nur durch fließ un hadde Arbeit Hück do schenge ville laut Für langer Zick esch viller Johre Is däm Jüd datt selve widderfahre drömm överlaat üch ihr Tyranne jeder muß ne Aanfang wahre loss mer all zusamme Lääwe als Früngde zueinander stonn un losst uns als Vereint Europa in Fridde zoenander stonn	Mingem kranke Jung Oh Jott ich gläuf du kanns verstonn datt ich mit Schmerzen roof dich aan minge Jung kann ich nitt ligge sinn her is doch noch jung de kleine Mann Sie Lääwe hät her doch noch für sich oh Jott für Angst ich frier un sollt et jar nitt anders jonn die Krankheit jeff sie mir Ich bin ald alt de Krankheit nimm sie vott ich fleh dich aan un de Klein wed et dir danken späder wenn her is ne Mann
Ne Draum Ich soh im Draum e Blomefeld voll Ruse un Narzisse datt Blome sehr schön rüsche jo datt dürf jeder wisse Un vür dem Blomefeld do stund ne Wald mit grooße Bäum de Sinn ich hann et nitt kapeet woröm sullt ich datt dräume Do sproch zo mer et Blomefeld su so et einmol uss in Blomeläde stonn mir hück in Vase Struuss aan Struuss De Bäum die krieschte ald für Kummer lieten Blädder falle datt Kriesche hürt mer överall dann däht et leis verhalle Ne Baum wullt zo mir spreche do klingelte de Wecker…………. Minge Draum wor vorbei ich trog mich aan un daachten no dann jingk ich zur Arbeit vürm Innjang links do stund ne Baum dofür zwei klein Blome enn Rus un en Narziss ich bliewten stonn un daach kot aan minge Draum zuröck do wod mir klor do wo früher datt Blomefeld un de Wald jestande hät steht hück datt Fabrikjelände	Minge Wunsch Unjeboore un doch lebendisch wächs du raan im Mutterliew un ich denk mer uss ne Name de ich op e Blättche schriew Dinger Mam is  överloosse küss als Jung du op de Welt un ich hoffe datt de Name dingem Papa och jefällt Ich als Pap ich wünschen mir e Mädcher kütt zur Welt un laach denn für et Mädcher do hann ich mer enne Name ussjedaach Du su klein un unjeboore jehs mer nitt mie uss em Sinn kumm jesund zur Welt als Mädcher un mer nenne dich Kartrin
Minge Jung e Sunndaachsküng Et zweite Küng wod uns jeboore et Glöck et kom in dunkler Naach ich wor janz treu stund minge Mann wie ich et beim eeschte Küng jemaat Su hehlt ich och beim zweite Küng de Hand vun minger leeven Frau sie hat esch Angst jenau wie ich noch wor de Himmel für uns grau De Naach verjing de morje noot de Wiehe setze stärker enn do woß ich ald minge kleine Jung datt du e Sunndaachsküng weeß sinn Ich wor esch stolz op dich un janz natürlich och op ding Mama su reef ich glich de Omas aan datt Küngche  et is  do Ming Vatterhätz datt wor su glöcklich zum zweite mol wor ich dobei et jitt nix schöneres im Lääwe als Pänz zo hann ich hann jetz zwei	Minge Jung Ach watt wor datt für ne Daach als minge Jung jebore wod ich wor dobei bei de Jeburt un keines wegs is datt absurd Helt de Hand vun minger Frau un redde janz leis op sie inn häß noch Ping du minge Schatz bahl wed et vorüber  sinn Als et Baby endlich do wor beide Omas für de Dür jing ich russ zu alle beide un berichtete vun dir Minge kleine Jung su glöcklich häß jemaat  ming Vatterhätz dann mot ich mich jet erholle deef in mir wor janz vill Schmerz Doch ich wor dobei minge Jung als du datt Leesch der Welt erblick beide Opas beide Omas jeder wor vun dir entzück
Mit de Quetsch un de Flitsch Kölsch vum Faass de Musik spellt zusamme hät mer Spaß mer sing un laach verzällt sich jet dann jeht sie hu de Tass de Piter nimmp sich Quetschkomood de Flitsch die spellt im Takt ald widder jeht sie hu de Tass wie schnell mer doch versack Met de Quetsch un de Flitsch kütt de Stimmung vun allein un mer klatsche in de Häng un mer danz vun janz allein met de Quetsch un de Flitsch jeht et Fötsche hin un her datt is doch jar nitt schwer nä nä De Jupp de nimmp sie Tamborin mer singe kölsche Tön et Lisbett uss de Rhingjass sing hück janz besonders schön de Will de nimmp zwei Löffele un schläät die zwei im Takt Aald widder jeht sie hu de Tass wie schnell mer doch versack Met de Quetsch un de Flitsch kütt de Stimmung vun allein un mer klatsche in de Häng un mer danz vun janz allein met de Quetsch un de Flitsch jeht et Fötsche hin un her datt is doch jar nitt schwer nä nä Met de Quetsch un de Flitsch………………….	Loov över de Fluss Vier Fründe die verzällte mir sie künnte över Wasser jonn su stunte mer direk aam Fluss do kunnt ich et jot sinn bis alle vier dann dröve wore ich wullt mit mingem Böötche fahre de Wääch zum Bootshuus wor zu grooß sie reefen all e Jung loov loss Jesaat jedonn ich leev janz munter över de Fluss doch ich jing unger die Fründe laachten alle vier sie hatte mich wohl aanjeloore mer hätten ihm janz ohne zier zeije sulle wo die Stein all woore   Der Scherz Ich maachten enns nur su ne Scherz un stellten mingem Fründ e Bein un de spürten schnell de Schmerz bahl dropp wor ich janz allein ach watt dät ich dofür maachen hät ich widder dich zum Fründ bitte dich Jung kumm verzeih mir ich hann et doch nitt su jemeint
Kolleesch Münchhuuse Ich stonn aan mingem Arbeitsplaatz un denken dichtend aan enne Satz de mir nie innjefalle wör wenn do minge Kollech nitt wör Her schnigg ov op mer gläuf et kaum her mät e Bäumche stets zum Baum verzälle deht her manche driss bei imm och alles gröößer is Jo esch belastend is de Mann der alles hät der alles kann der su vill Bööcher hät jelese un wo der överall jewääse Vielleich will der durch sie överdriewe och nur enne Komplexe verdriewe Zu jeder Zick in alle Pause do lüch her wie Baron Münchhause her schnigg ov op datt is e Ding Münchhause künnt singe Vatter sinn	Kinderdraum Erwachse sinn Minge Jung dät sich mit Schaum beschmiere her fing grad aan sich zu rasiere su fing her aan wor noch su klein un doch Erwachse wullt her sinn Versteck hat ich mich wunderbar ich wuß och datt her mich nitt so Rasierschaum dät sie Jeseesch verbleiche der dät bestimmp für Woche reiche Doch plötzlich kom de grooße Schreck ich sprung erruss uss dem Versteck minge Jung hat sich in middem singem Jeseesch janz doll jeschnedde E Pflaster klääften ich do dropp her jammerte in einem Lauf de Schnitt der dät bahl usskoriere un her wullt sich nie mie Rasiere Verschrooch ohne sich zu jeniere eesch wenn et lohnt sich zu rasiere
Jott un de Minsch Oh Jott wenn et dich jitt dann saach et mir worömm et is su bitter kalt im Summerwald Un saach mir noch worömm et schneit im Summer nitt et Sünnche schink weil die vun de grooße Kält janz klein Harelkurelle kriesch Jo saach mir noch worömm im Wald de Baum de Blädder falle löt de Äss die stapelle sich im Wald Dder Baum stirf aff dann fällt her öm ach leeve Jott saach mir worömm Jottes Antwort : Du de Minsch ich muß schon saare worömm stells du all die Froore luur dich öm in dinger Welt un gläuf nitt datt et mir jefällt Denn de Minsch is Schuld aan dem watt alles op de Ääd passeet jo gläuf mir och et wed vill schlimmer denn de Zick sie bliew nitt stonn Autos die mit volljaas fahre Industrie die Jeff enthält wenn de Minsch do nix draan ändert is et aus mit singer Welt	Joode Zigge schläächte Zigge               Ne ahle Mann de sitz im Park In singer Hand hält de enn Mark un her schleudert sie no bove leis deht her de Herrjott loove Vatter de uss Bloot un Fleisch jewäse bitte maach mich doch enns reich gläuf mir wenn ich reich sinn künnt jedem Ärme ich jet jönnte bei mir jööf et kein grooße Nuut un für jede jööf et Broot In de Park kütt noch ne Mann setz sich zo ihm laach enn aan sing Botz die is zerrisse un sing Schoh die sinn zerschlisse un de ahle Mann im Park schenk dem ärme Mann die Mark de schleudert die no bove leis deht her de Herrjott loove Vatter de uss Bloot un Fleisch jewäse bitte maach mich doch enns reich du künnst mich mit Jold beschenke immer däht ich och draan denke aan die Ärmste op de Welt un für jede hät ich Jeld Plötzlich do kütt noch ne Mann setz sich zo ihm laach enn aan jo et kumme noch janz vill un jeder hät datt eine Ziel alle Minsche op de Ääd  jerääsch zo sinn datt  is esch schwer ob ich et noch erlääwe dunn irjendwie ich gläuf nitt mie Wenn jeder sich dodropp besinnten wie de ahle Mann im Park jeder nitt aan sich nur denkten  hädden jede Minsch enn Mark un jede der helfe kann soll et maache wie de ahle Mann Bedenk dobei datt ding joode  Zick sich och enns ändere kann
Jewisse Ich soh vür langer Zick ne Kähl de stund allein im Meddelpunk do saat ich nur in einem Satz eh du du stehs op mingem Platz Un de Kähl de drieht sich ömm un her fröch mich nur worömm mir fehl eesch nix enn op die blöde Frohrerei de Arjumente jinke uss do kom et zu ner Keilerei Ich soh esch dumm uss muß ich saare dätt mich dausend Frohre frohre su kannt selver ich mich nitt plötzlich soh ich helles Leesch Im Bett looch ich wor opjewaach ich schmunzelte un hann jelaach et wor ne Draum wenn och ne dumme datt hatten ich janz flöck erkannt doch wor et och ne Wink ne Stumme de ich noch fröh jedoch verstand Su strebten ich im Draum no bove de Wolke die kunnt ich ald sinn doch dät ich nie in mingem Lääwe beim Strewe över Leiche jonn	Jestorwe un verjesse Verjessene Jräwer op dem Friedhof die dürf et nitt jäwwe selfs wenn der ein oder andere nitt joot wore im Lääwe Su hann doch alle die do lieje e Lääwe lang jeschuftet schwer worömm bliew jetz wo sie all Dut sinn datt kleine Grab janz öd un leer Is klar nitt alle woren fleißisch nitt jeder wood verehrt doch jede Minsch datt eene weiß ich der is bestimmp e Blömcher wert De Erfüllung Liebe is die Erfüllung un denk och enns aan et Glöck doch Liebe is verjänglich draurisch blick mer op sie zurück Nitt Sehnsucht allein mät draurisch denn de Sehnsucht heiß treu zo sinn un Treue jehürt zu Liebe all datt bruch mer öm glöcklich zo sinn Wer sich all datt hält für Aure der bliew im Lääwe nie allein
Jebootsdaachsjeschenk De Jung sprich singe Vatter aan ob er e Rollbrett fahre kann sing Früngde die sinn immer weg denn jede Jeck hät su e Brett De Pap direk in de Laade jeht her luurt op do e Rollbrett steht de Pap aan de Kass steht bezahlt is et schon her luurt op de Stroß do steht singe Sohn De Jung hoff datt her bahl fahre kann her luurt de Pap janz draurisch aan jedoch nitt hück kritt her datt Brett datt jitt et eesch am nächste Daach weil morje her Jebootsdaach hät	Jedanke fürm Kamin Ich sitze he denk für mich hin e Feuer lodert im Kamin su denk ich aan die Draurischkeit un plötzlich is et ald su wigg ich fange aan zu kriesche aan denn ich denk immer noch do draan vill Draurischkeit jeht durch de Sinn wenn ich mit mir allein enns bin Noch immer sitz ich fürm Kamin un starre nur su für mich hin jetz denke ich aan schöne Zigge dich esch vill Freude mir berigge su denk ich aan die Fröhlichkeit un plötzlich is et widder su wigg jetz fangen ich zu laachen aan denn ich denk immer noch do draan och Fröhlichkeit jeht durch de Sinn wenn ich mit mir allein enns bin Ich sinn nur Glut noch im Kamin kein Flamm nur Glut noch is in imm et Feuer datt jeht langsam uss un ich trecke mich langsam uss jonn in et Bett bin möd un schwer vum denke is de Kopp jetz leer un doch wenn ich allein enns bin dann sitzen ich für dem Kamin un denke her un denke hin
Jebootsdaach vun mingem Schatz Ich överlääje un ich denke watt ich dir zum Jebootsdaach schenke e paar Blome bringe Glöck die bring ich selbstverständlich mit Dann schenk ich dir e silver Kettche e paar Ohrring un enne Ring ich schriew e Leed und kumm mit Jitarr un ich spelle un ich sing Du minge Schatz du kriss vun mir de janze Schmuck jeschenk du sulls wisse Daach un Naach datt ich immer aan dich denk Jetz bruch ich nitt mie överläje bin jetz fruh un hann och Ruh un doch ich gläuwe ich läjen dir ming treu Hätzje noch dozo	Iwisch wächs de Müllberg De Tonne voll von Duse Fläsche Plastikmöll un Inkovstäsche Essenreste Batterie Pappkartons un andre Schrott In Läde wed et aanjebodde un mer mät sich voll die Fote voll de Waare voll de Schränk zwischendurch jeht jet kaputt Alle liere ignoriere zwischendurch steht demonstrierend en handvoll Minsche ob de Stroß denke schwade Ruhephaas Et Jet widder aan de Schränk Flüssischjeff läuft in de Senk widder mät mer voll die Tunn alles vott mer käuf neu inn Daaresschau mer luurt in Fään Müllberg wächs keiner sieht et jän Minsche falle ob de Knee  kriesche schreie nix OK Alle sullten nitt nur jaffe denn mer künnten et noch schaffe all datt Övel usszumaache all de Dreck de mir jesäät Wed et einmal schwatz am Himmel ob de Ääd do wääs de Schimmel stinke överall de Stroße dann is et für uns  Ääd leider leider vill zo spät
Inkognito Fantast Morast vertausendfacht Wer lacht wer weint stets Haß verneint Zerkaut verdaut als Feminist Geschlecht versteckt weit weg mit List Human Tyrann Inkognito Mal ernst gemein doch viel mehr froh Zerkaut verdaut Human Tyrann Morast Fantast wann Frau wann Mann Verneint mit Haß als Feminist Vertausendfacht lacht weint die List Gemein verneint Geschlecht versteckt Und schließlich ganz allein verreckt Als was ? Nicht froh ! Inkognit	In minger Buud Ich sitzen he in minger Buud versöck zu schriewe äwer wie die Fersehstimme die ich hüre die stüre mich su schaff ich et nie Dä Kaste schalt ich aff un denke denken no nix will jelinge doch do ich hann et schönes Thema plötzlich aan de Düür et klingelt Ich jonn zur Düür un maachen op keiner do datt is jemein im Hoff do hür ich Künger laache do fällt mer glich ming Juurend enn Denn och ich ich wor enns Küng maat he un do su manche Scherz un de Zick verflüch im Wind un de Uhr läuf himmelwärts Noch immer sitz ich in de Buud versöck zu schriewe kumm nitt dropp de Stiff hann ich ald vott jelaat denn für hück  jeff ich et op
Im Raum de Jeföhle Ich setz im Raum de Jeföhle do kütt zu mir enn Luff enn köhle ich gläuwe fass ich stonn im Wald un mer wed et bitter kalt Jetz nimm ich mir enn Wiskyfläsch un saach ihr datt ich sie vernäsch jeff mir datt watt ich ersehne wenn ich mich zuröck jetz lehne Un ich spür ne Kuss ne zarte de Verführung sie is do ming Fantasie wed immer besser ich sinn enn Frau esch hübsch janz no Sie hät Brüss janz weich un rund un ihr Schooß is feuch un poch ich zerfließen wie enn Käätz bis de Wachs zerfließ zu m Docht Un ich gleiten in sie rinn künnt jetz brülle künnt jetz schreie Fantasie sie is esch heiß watt in mingem Kopp jekreis Un im Rhythmus ihrer Bein krieje ich un jäwen alles plötzlich gleitet sie vun danne et wor als dät sie mich entmanne Ich wede waach et wed kalt un wärm un ich liejen do besoffe mit ner Wiskyfläsch im Ärm	Im Hochhaus Im Hochhaus zu wonne datt is ov nitt leich denn is de Aufzoch enns kapott de Fööss die wede heiß wie Gluut bis datt et Ziel mer hät erreich Sehr schön is et im janze Land in su nem Stahlbeton Jijant stehs de om Balkon oh schreck is datt hu un de Aussich die is jeck Do Früngde zu hann oder Lück zu kenne is in ennem Hochhaus schwer manchmol deht mer de Name vum Nobor nitt kenne keiner deht dir de Buud in renne Wie schön wör et  jööf et im Hochhaus enne Raum zum fiere un zum kenne liere für mich is datt ne Zukunftsdraum Un jöff et do ne Raum für Pänz in däm de Pänz dann künnte spille nä watt wör datt schön hück dunn sich vill Pänz einsam föhle Im Hochhaus zu wonne künnt schön sinn esch schön für grooß un klein doch für Minsche die allein sinn kann et do och einsam sinn
Ich bin dobei Ruusemondaach överall do sinn mer dobei op jede Fall CSD datt is doch klor do maache mer uns ruusa Hohr Dde längste Desch et Rhingfess Pützjennsmaat mir sinn dobei enn Pollonais mät richtisch Spaß de allerletzte Schrei Ich stell mich widder in de Reih ich bin dobei ich bin dobei ejal watt kütt ejal watt jeht dobei zu sinn is nie verkeet selvs unre Herrjott wunderbar steht in de Reih is für uns do drömm sing ajuja drömm sing ajuja sing ajuja un sching bumm drömm sing ajuja drömm sing ajuja de Herrjott nimmp et uns nitt krumm Jebootsdaach Huzick trallalla e Jubileum wunderbar Stadtfess Bundesjaadeschau eins wisse mer hück janz jenau un wenn de FC Meister wed de Paps uns singen Sääje jitt do stonn mer op de Stroß un dann jed et widder loß Ich stell mich widder in de Reih ich bin dobei ich bin dobei ejal watt kütt ejal watt jeht dobei zu sinn is nie verkeet selvs unre Herrjott wunderbar steht in de Reih is für uns do drömm sing ajuja drömm sing ajuja sing ajuja un sching bumm drömm sing ajuja drömm sing ajuja de Herrjott nimmp et uns nitt krumm Ich stell mich widder in de Reih ich bin dobei ich bin dobei ejal watt kütt ejal watt jeht dobei zu sinn is nie verkeet selvs unre Herrjott wunderbar steht in de Reih is für uns do drömm sing ajuja drömm sing ajuja sing ajuja un sching bumm drömm sing ajuja drömm sing ajuja de Herrjott nimmp et uns nitt krumm	Herbst De Ääpelsernte hät bejonne Ääpel Korn un Wing de Daare  hann ald affjenomme de Blome  jonn all enn De Buur mät de Felder aff die gold jelb brung jebrannt de Buur de als Weddermelder bekannt im janze Land De Schwalwe sinn ald vott im Südde mer hät sie lang nitt mie jesinn mer kann jetz vun de Bäum de Möde Bläddere ald falle sinn Wie herlich is et aanzosinn die bunte Blädderpraach wenn mir im Wald spaziere jonn un wenn et Sünnche laach
Gruuß jäje Klein Ne Schmetterling de stund im Ring wullt boxe mit nem Löw als Zuschauer woren sie do enn Muus enn Aap enn Möw ne Elefant  et Krokodil un och ne Grisslibär sie woßten alle jäjen de Löw hät et de Schmetterling sehr schwer Jongschlaach eeschte Rund de Löw de läuf schnell aan no vörre hät her de Fauss jestreck de Schmetterling de is nitt dumm hät hingerm Löw sich schnell versteck Dann aachte Rund de Schmetterling flüch hin un her un öm de Löw erömm de drieht sich mit im Kreis un schläät imm wed et schlääch dann fällt her öm De Löw de wor KO datt soh mer all Diere applaudeete jeschlaare maat her sich vun danne die kleine diere triumphierte Leev Lückcher merkt et üch für et Lääwe jo nur mit e bissje Tück jewinnt de kleine jäje Grooß denk nur enns aan de Möck	Frühling Vorbei is jetz de Fross de Kält et Feld de Wiss de Wald vum wieße Kleid sinn sie befreit jetz is et nitt mie kalt De Wiss die steht ne Hauch vun gröön de Bäum die driewe uss un morjens kütt mer richtisch schlääch uss singem Bett mer russ Im Jaade süt mer Krokusspitze sie spreeßen Daach für Daache sinn Bäum un Strüch jo alle Planze neue Knospe draare Jeschäfte die hann jetz ald Saache die mich op Ostern ennjestemmp Jeföhle grad wie neu jeboore de Frühling singe Lauf jetz nimmp       Su is datt mit de Wissenschaff Bis datt de körper fass erschlaff Liss mer all datt watt Wissen schaff De Schuld beim verjewe wed niemols jemesse Dochdenk draan Verjewe is niemols Verjesse
En Friedensdemo Demonstrante dunn maschiere wie Elefante durch de Stadt denn die Lüje der Rejierung hann die Demos lang ald satt Sie posaune wie mit Rüssel Fridde Freiheit glöcklich sinn Poliziste in de Meng die schlare ihre Köpp all inn Demonstrante türme över blootbeschmutzte Stroßeplaster worömm schlore Poliziste Fridde wor doch nur ihr Laster	FC Kölle mer stonn zu dir FC Kölle mer stonn zu dir FC Kölle datt schwöre mir FC Kölle du wees niemols unger jonn du bis unre Club op de mer all he stonn In de Südkurv is de Düvel loss Freud un Leid hät manche Nerv jekoss Affstiech oder Aufstiech eins is für uns klor su ne Club wie du mät et Stadion voll ejal op zweite Lija die Fans die sinn wie doll Zusammehalt is datt watt bei uns zällt FC Kölle mer stonn zu dir FC Kölle datt schwöre mir FC Kölle du wees niemols unger jonn du bis unre Club op de mer all he stonn Mir sinn Jeißböck sinn die Maach am Rhing datt is nitt immer su doch et künnt su sinn mancher säät mer sinn ne Karnevalsverein mer hann unre Club janz deev im Hätze drinn janz ejal watt kütt datt wed nie anders sinn un irjendwann do holle mir die Meisterschaal FC Kölle mer stonn zu dir FC Kölle datt schwöre mir FC Kölle du wees niemols unger jonn du bis unre Club op de mer all he stonn
Enn wunderschöne Blom Enn Blom esch wunderschön Hann ich op ner Wiss enns stonn jesinn Sie wor su schön ich wullt sie breche Do däte mich Dorne in de Finger steche Et wor sehr schmerzlich Et Bloot et droppte op de Wiss Un mie Hätz datt kloppte Ich bungk e Täschedooch öm ming Hand Un merkte mir de Platz Wo datt schöne Blömche stund Om Wääsch no Huss So ich Vill Blome stonn Doch su ein wie op de Wiss Die hann ich noch nie jesinn Ich wor esch fruh datt ich et nitt schafften Datt Blömcher zu breche Su vill Schönheit hat et Rääsch mit in de Finger zu steche Denn kumme enns andere Wanderer Un luure sich datt Blömche aan Un erfreue die sich jenau wie ich mich einst do draan Datt wör fass wie ne Haupjewinn un jeder darf datt Blömche sinn	Et Fröhstöcksei Et wor des Sunndaachs fröh am morje nodäm ich opjestande wor am Fröhstöcksdesch hann ich jesesse als datt passeet esch sonderbar De Kaffe hat ich ennjeschött e Brüdcher hat ich mir jeschmeet ming Fröhstöcksei ich wullt et kappe un op einmol datt passet Datt Ei et dät sich leiß beweje dann dät et leiß zerbreche de Löffel hat ich vottjelaat mit einem Bleck nem freche luurt mich e Höhnerküke aan Oom Desch hät et jesesse mir wod et övell wod et schlääsch beihno hät ich et jejesse Aan ming Frau Du ming Frau du stehs immer zo mir egal watt och kütt dofür danken ich dir du liebst mich bis treu mir un du schenks mir ding Laache ich weiß kein andre künnt besser et maache su saach ich ob ewisch et fällt mir nitt schwer ich dank dir mie Leevje un ich lieben dich sehr
Erinnerung Verjange sinn der Jurend Johre verjange Jurendglöck su reif un doch noch unerfahre denk jän ich draan zoröck all datt watt ich zoröck jeloosse Erinnerung aan Freud un Leid datt is ich kann et jar nitt gläuwe su no un doch su wigg nä kriesche dunn ich nitt oh Jurend ich hann mit dir su  vill jeliert ich lääw jetzt vun Erinnerunge die du mir häß suvill beschert	De Beich Ich hann su off ald jeloore hann vill Minsche Unrecht jedonn Ich hann och schon suvill bedrohe un stellten och suvill schon aan bejert hann ich och ald vill Fraue hann mit minger Eldere jezank ich hann esu vill bekumme doch hann ich nitt immer jedank Ich hann zwar jeliert stets zo deile doch hann ich nitt immer jedeilt vill Wunde die ich hann jeschnidde et durt bis datt alles verheilt un doch wie et Jesus jesaat hät wer sich frei sprich vun Schuld un Pein knie ich nieder für üch un ich waaden der wirf jetz de eeschte Stein
Enn janz normale Woch Moondaach  eeschte Daach der Woch de mit Arbeit voll jestopp et Wocheeng datt dätt verjonn  jetz heiß et  widder fröh opstonn jonn zur Arbeit bin noch möd un de Daach jeht langsam röm Fröhstöck Meddach Fierovend wäschen mich un treck mich öm Dinnsdaach zweite Daach der Woch jetz hann ich mich draan jewönnt Arbeitstrott is innjetrodde met de Arbeit jetz versönnt bahl ald hann mer Meddaachspaus un et jitt ne Ääpelsbrei essen schuften noch drei Stunde un de Dinnsdaach is vorbei Mettwoch dritte Daach der Woch un de Woch die wed jedeilt denken aan et Wocheeng datt wed jetz ald aanjepeilt hück is jar nitt vill zu dunn un de Daach jeht langsam römm Fröhstöck Meddaach Fierovend wäschen mich un treck mich öm Dunnersdaach de vierte Daach mit Kolleje Spaß jemaat un ald hück do heiß datt Motto weinich Arbeit vill jelaach doch no Meddach kütt et Hätze ich hann noch vill nozuholle Fierovend bin janz fäädisch wer hät nur de Zick jestolle Friedaach fünfte Daach der Woch un et is de schönste Daach jeder is hück esch erleichtert bahl vorbei de Arbeitsplaach doch jetz plaach mer sich mit Freud e Jeföhl esch wunderbar do ertönt de Werksireen Wocheeng jetz bis de do Wocheneng mer hann uns all de janze Woch no dir jesehnt Samsdaachs heiß et ussjeschloofe lang jefröhstöck kot jejäänt Sunndaachs fröh in et Bettche jonn Wecker stelle leesch schnell uss Mondaach jet et op Malooche kot no sechs Uhr uss däm Huus mer is möd un künnt noch schloofe mer jewönnt sich langsam draan do sinn och ald de Kolleje Woch die fäng vun vürre aan	E janz normal Lääwe Et duuert lang bis datt e Küng versteht datt e Minschelääwe nur uss Arbeit besteht hin un widder enns Urlaub Hühe un Deeve erlääwe Jeld vum eine bekumme un dem andere jewwe Lääwe is nitt esu einfach wie e Küng sich datt denk Jeld datt kritt mer für et Schaffe un mer kritt nix jeschenk   Sorch un Leid Bist du draurisch dann un wann Die Hätz is voller Sorch un Leid Schlöck sie nitt allein all runger Sprech dich uss datt is jescheid Denn wer Sorje hät wed krank Draurischkeit esch vill zerstört Jede Minsch bruch Glöck un Liebe Sorch un Leid dozo jehürt
Die Fleesch enn Stubbefleesch die saus un hösch öm minge Kopp erömm un ich jaach sie un ich schlaach sie plötzlich die Fleesch janz stumm Jet litt sie op mingem Desch do drieht un krümmp für Ping sie sich ich nimm sie in ming Hand un streichel sie un holl Verband Ich verbing sie aan de Beinche un de Fleesch die is am kriesche jetz deht sie mer richtisch leid doch datt maaten mich jescheid Süste enn Fleesch janz flink un schnelle dann schlaach sie nitt un sei janz helle denn sie spürt janz ohne Scherz datt selve Leid de selve Schmerz wie du un ich drömm schlaach sie nitt	Denn Fastelovend Endlich ich de Zick do in der mer alle Sorch verjiss dehs du hätzlich laache jo dann bliew esu wie de bis överall in Kölle in de Stadt om Aldermaat jeht et öm de Fasteleer do wed nitt lang överlaat Denn Fastelovend do jeht et loss denn Fastelovend ejal watt et och koss denn Fastelovend heiß Spaß un Humor Fastelovend do sing jede Jeck im Chor Fastelovend do sing jede Jeck im Chor Et is wie e Wunder överall e Färwespell de Stimmung die trick jeder aan jeder mät hück watt her will Kölsche dunn jän laache hann im Hätze Sunnesching un willst du mit uns fiere jo dann kumm he aan de Rhing Denn Fastelovend do jeht et loss denn Fastelovend ejal watt et och koss denn Fastelovend heiß Spaß un Humor Fastelovend do sing jede Jeck im Chor Fastelovend do sing jede Jeck im Chor Uns Kölle is super uns Kölle is schön bei uns bliews de nitt lang allein Denn Fastelovend do jeht et loss denn Fastelovend ejal watt et och koss denn Fastelovend heiß Spaß un Humor Fastelovend do sing jede Jeck im Chor Fastelovend do sing jede Jeck im Chor
Die ahle Frau Enn Frau die wor esch ärm jeboore sie streunte op de Stroß erömm sie dät beddelle op de Stroß sie wor esch ärm äwer nitt dumm Ihr Jeld datt braat sie op de Bank de Johre verjinge un dann kom de Dank Die Frau nom datt Jeld vum Konto maat ne Zeidungslaade op datt Jeld datt sie do innjenomme datt maat Jeschäfflich singe lauf Hück is sie rich die Frau die Ärme nä sie wor weiß Jott nitt dumm schuuf sich in janz ville Johre in Kölle e Imperium Doch hück noch jeht sie op de Stroß beddellt unger Pseudonym datt Jeld wed mie op ihrem Konto die Frau dät et verstonn	De Zahnping Leeve Jott watt hann ich Ping ming Zäng esch wieh mer dunn un ich denke et wed hüste Zick datt ich zum Zahnarzt jonn Un ich nemme mir e Pillche datt is jäje Zahnping joot denn zum Zahnarzt jonn do fählt mer irjendwie de rääschte Moot In de Naach et wed noch schlimmer watt für Ping halt sie nitt uss nächste Morje jonn zum Zahnarzt un de trick de Zahn erruss De Zahn de mich jequält hät bin ich fruh jetz is her weg un ich föhlen mit de Zung do wo her wor is jetz e Leck Als die Zahnarzthelferin mer schrief op noch ne Termin Mmit de Zung föhl ich datt Leck Uun ich stelle janz flöck fess Ping un Moot sinn beide weg Doch minge Termin der nimm ich wohr ich finge et esch wunderbar wenn mer he un do un dann un wann gesunde Zängcher zeije kann
De Wiss Immer op de Ääd röm lieje jeder tritt ob mir erömm Hüngche schinge nitt zo wisse datt ich ligge ach wie dumm Denn sie loosse all ihr häufje he ob mingem Rügge lieje jo ich kann dozo nur saare ich künnt et ekele krieje Stell dir für du liss ob de Ääd un ob dir deht ne Hung sich böcke kläfft un jammert plötzlich futz de un her kack ob dinge Rügge Ich gläuf dir wöd et nitt jefalle dir wöd et do jonn wie mir doch ich bin jo nur enn Wiss äwer manchmol stink et mir Passt doch op op üjer Köter un loßt sie woanders drieße wenn ich Zäng hät jo do wöd ich jedem Hung de Schwanz affbieße	De Ruuse Ich als Ruus ich stonn im Jaade bin schön bunt un duften joot doch wenn mich enns einer plöck dann is ming Blötezick esch koot denn dann stonn ich in de vaas drinn jeder is mit mir am schänge un sie frohre worömm loossen ich su früh de Köpp ald hänge Ich bin enn Blom un wer mich plöck mät mich kapott drömm loß mich stonn drömm loß mich stonn ich bin enn Blom bin e Jeschenk vum leeve Jott ich bin enn Blom un wer mich plöck mät mich kapott All ming Ruuseartverwandte denne is et Hätz am kloppe doch deht he enns einer plöcke gläuft et mir der wed jestoche denn datt is doch fass et selve deht mer üch e Bein ussrieße man datt is doch esch zum scheeße dot nitt plöcke dot leever jeesse Ich bin enn Blom un wer mich plöck mät mich kapott drömm loß mich stonn drömm loß mich stonn ich bin enn Blom bin e Jeschenk vum leeve Jott Iich bin enn Blom un wer mich plöck mät mich kapott
De Lottojewinn Minge Kumpel der verzällt mer bei nem lecker Gläsje Kölsch datt her ov Lotto hät jespellt un jetz sechs Rischtije erziehl do hann ich jefrooch watt her mit däm Jeld deht maache watt käufs de dir für schöne Saache Do dät her mir saare eesch kov ich ne Waare dann wed ich wie schon all die Johre enns richtisch schön in Urlaub fahre e bisje neidisch dät in de Ääd ich versinke her säät loss mer noch eine drinke Ich jonn in de Kösch erenn hulle Bier her schött de Reste für uns enn de Ovend de wor schnell vorbei un schön besoffe wore mir zwei Am näächste Daach mot ich zur Bank e paar Flüh vum Konto holle do soß minge Kumpel un nohm ne Kredit her pummp sich do Jeld un datt nimmp her och mit Her bezahlt singe Waare ob mit Mark oder Julden ejal is de Währung ich weiß jetz her hät Schulde minge Kumpel däm ich hann vertraut minge Früngd op de ich hann jebaut Her hät mich bedroore her hät mich beloore Her jing no däm Motto datt belieb is op Ääde de Minsche die wulle bedroore all wede de Lottojewinn hat her sich ussjedaach Enn janze Zick späder  hann mer  dröver jelaach	De Klinkeputzer Ne affjewixte Eierkopp de hät mich jestern bahl jefopp de Schnäutzer hat her hujestutz als her bei mir de Klinke putz Her dat verzälle watt enne quatsch de Ohre mir hät voll jewatsch un koven ich datt eine nitt do hät her noch jet datt is nett Her kniep mim Auch de Pries is jot für mich e Fründschaftsaanjebot un ich wullt imm jet saare dann doch glich fing her zu schwade aan Mir wod et irjendwann zu bunt ich saat jetz halt doch enns de Mund du sprichs mich doch mit Meier aan un der du Tünn wunnt näven aan De Nerve hat her mir zerklopp de affjewixten Eierkopp
De hillije Kreesch Ne Donner brich de friddens Ruh em Sturm erobert de Arme de Spurre der Soldaateschoh vum Dut befreit im deeve Schnee Erhiff sich de Soldaatesiel flüch in de Himmel vorbei de Frist su lääw de Siel in deever Ruh die jetz jetrennt vum Körper iss Diktator steht im Protzjewand et Volk datt steht für in paraat erobert er et eeschte Land de janze Welt die wed schnell waach Versöög zu schlichte mer verhandelt de Tyrann der jitt nitt op un befür mer Lösung finge nimmp de Kreesch ald singe lauf Welt erlääw Verwandlungsphase jede Kähl wed zum Soldat janz vill Jäjer Jahre Hase all stonn jetz jefechtsparaat Ne Donner brich de friddens Ruh em Sturm erobert de Arme de Spurre der Soldaateschoh vum Dut befreit im deeve Schnee Erhiff sich de Soldaatesiel flüch in de Himmel vorbei de Frist su lääw de Siel in deever Ruh die jetz jetrennt vum Körper iss	De Draum vum Küng Ich hürten im Draum enns en Stimm sie klang sööss un su sanft wie de Wind un sie jing mir nitt uss em sinn et wor schön denn sie sproch vun dem Küng Da saat ich no langem Bedenke zur verzäll nur wigger denn datt watt die mir all verzällt hät datt maat mich esch fröhlich un heiter E Klingelle zerstürt de ruh ich wod waach doch….wor et nur ne Draum Die Daare sie kome un jinge doch de Draum jing mir nitt uss dem Sinn un als dann ming Frau zo mir saachten et is wohr ich krieje e Küng saat ich kumm un verzäll mer nur wigger denn datt maat mich esch fröhlich un heiter Beim verzälle verjing sehr vill Zick un ich daach nur noch wann is et su wigg Et verjinge destunde de Daare un no nüng Monate do wor et su wigg e Küngcher wod uns jebore un ich daachten zurück aan die Zick als die Stimm  im Draum mir verzällt hät vun de Wieje dem Küng un dem Glöck jo do daach ich no kootem Bedenke aan die lange nüng Monat zoröck
De ahle Baum Ne kleine Jung de jing spaziere jing allein ob et Feld erruss datt wor dem Vatter der wor Buur un de Jung de wullt enns russ Su stund her allein om Feld un soh dodropp ne grooße Baum riff sich ungläubisch de Aure denn her daach et wör ne Draum Un de Baum der saat janz draurischi ich bin hundert Johr alt fass un die Früchte all der Johre hänge aan mir schwere Lass Un su beddelt de Baum Jung kumm rüddel mich de Jung de leev zuröck verschreck un daach nur datt gläuf ich nitt De Baum der kann jo spreche datt hann ich noch nie jesinn un her jing mit Moot zum Baum un kot dofür do bliew her stonn Streck sing Hängche uss un berührt domit de Baum kalt un wärm wod im sie Hätz denn et wor wohl doch ne Draun Schöddel mich kleine Jung würdisch wed dann dinge Lohn sei nitt draurisch leeve Baum hann kein Angst ich rüddel schon Un de Jung de rüddelt krääftisch bis datt de letzte Fruch afffällt plötzlich do de Baum verschwindet uss de Früchte wed jetz Jeld Her kann et immer noch nitt gläuwe wed jetz waach im Betteflaum do bemerk der kleine Jung datt et doch nur wor ne Draum	Bote des Himmels Ich hürte eins et wor bei Naach ne Engelchor her sang janz saach do maaten ich de Aure op un luurten zo denne eropp sie hadden Drohne im Jeseesch ich daach noch Engel kriesche nitt De Engel sohe draurisch uss sie flore alle durch et Huus in Omas Stüffje jing ich rinn do stunte sie die Engelein ich hürten eins et wor bei Naach ne Engelchor her sang janz saach Ich soh et kloppe aan ihrer Deck et Hätz datt schläät dann ich erschreck de Engel hüre op zu singe dann hür ich leis de Glocke klinge schloofe inn zum Morjenruud do soh ich Oma sie wor Dud Mer hann Oma dann zu Graaf jedraare e Blömcher wor ming letzte Jabe laat ich in des Graafes Niche janz bitterlich un lang ich kriesche Jeder muß de Sinn verstonn de Minsch her lääw dann muß her jonn wenn Engel hulle dich janz stille muß de wisse et is Jottes Wille
Bliew stark wie de Knabe Eine Penning fungk de Knabe un et Glöck nohm singe lauf jing zum Fluhmarkt hin mit Penning bot de Penning do zum Kauf Her bekom dofür e Maiskorn setzten de in de Ääd erinn de keimte wuchs wod riefer glöcklich kunnt de Knab jetz sinn Denn jetz hat der kleine Knab e janz büngdell voll mit Mais widder setz her sie in de Ääd datt sie wachse datt woß her kom de Erntezick et Blüht överall nur datt kleine Feld bliet leer Draurisch stund de kleine Knab für dem kleine leere Feld doch ne Penning fungk de Knab noch et wor für inn et Aanfangsjeld Stärker wod de Schaffensloss denn de Knab der joof nitt op jing zum Fluhmarkt hin mit Penning bot de Penning aan zum Kauf Widder käuf her sich ne Maiskorn datt is sinn vun dem Jedeesch denn jeht et dir su wie dem Knab setz all ding Stärke in denn jeder der et esu mät der kann mit sich zo fridde sinn Nitt alles im Lääwe läuf rund un de Kopp in de Sand zo stecke is unjesund watt uns nitt kapott mät mät uns nur noch härter	De Bienenwaabe Künnijin De Bienenwaabe Künnijin die hät jet löstijes im Sinn su sproch sie zo de Malocherbiene ich fleje eruss un ihr bliew drinn su dät sie datt un floch glich loss op e Blomefeld datt riesisch grooß Erlab sich aan de Blomepolle Bbis datt de Backe dick jeschwolle op enner Blom fing sie ne Platz Ssie schlöf janz schnell is innjeratz un plötzlich do kütt unjeloore e Hummelmänncher aanjefloore Laat sich op die gliche Blom schlöf mit de Bienekünnijin sicher denke jetz all Leser datt hät doch jar keine Sinn wod waach flooch in et traute Heim de Hummelkähl ließ sie allein Un am nächste fröhe morje sullt sie für Bienenowuchs sorje bei de Jeburt de Biene schlooch et Hätz zum Kinn watt die do mit ihrer Aure als Neujeburt jesinn datt wore kein Biencher datt hat mer glich erruss Half Biencher un half Hummel Mensch soh datt putzisch uss de Bienenwaabens Künnijin die hät et direk erkannt un hät die kleine Pänz schnell als Humbies umbenannt
Aussiedler Hürt nur wer kann et mir saare worömm sich Minsche nitt verdraare worömm sinn su vill blind wenn einer sich no Freiheit sinnt Et sinn doch Minsche die verzweifelt alles watt mer bruch zum Lääwe hatte nur die Freiheit Glöck des Lääwens sohe die im dunkle Schatte Wie ne Fesch im kleinste Tümpel deht dropp waade  Daach für Daach datt ne Angler kütt un fischt de russ  uss singer engen laach Nöm mer de Fesch un setzten de in enne grooße See datt wör wie ohne Grenze jonn ich saach üch ich versteh Worömm Minsche hinger Grenze nitt mie Jefangen bliewe wulle datt is  als däts de laufe över glühend heiße Kolle Jede Minsch hät Rääsch op Freiheit ob uss Oss oder uss Wess drömm ihr Minsche uss dem Weste worömm denkt ihr all su schlääch Die Minsche die jetz frei sind sich im Weste nidder looße et sinn minsche Fründe keiner hät datt Rääsch die zo hasse	Autowäsch Ne Kähl luurt in de Zeidung rinn Wedderberich bring Sunnesching her päppelt sie ob die Knoche die laasche un denk sich mer künnt et Auto jetzt wäsche De Ämmer voll Wasser ne Schwamm un et Ledder ganz flöck nimmp her et mit un am Auto do steht her her fäng aan zo wäsche zwei mol wärm einmal kalt bis datt de Waare so richtisch strahlt Doch nitt jenooch is die Wäsch imm jetzt nur schnell rinn in de Bud her hölt Politur drei Stunde poleet her bis datt her deht schwitze mit poleere fädisch her muß eesch enns sitze Plötzlich bedeck sich de Himmel wed dunkel et fällt janz vill Rän ob et Autos jefunkel de Kähl is am tobe is wöödisch un schnauf sich brüllend und schimpfend de Hoore jerauf Her Jeht in de Bud sög de Zeidung wo is sie her sög sie her fingk sie her bläädert un ließ sie her luurt ob et Datum un denk sich du Narr die Zeidung die is jo vum letzte Johr
Asyl Unruh im Land Politik hät verfäält de Wünsch vum Volk mer erntet Jewalt verzweifelte Minsche empört över Jewalttaate imbiziller Narre Angst mät sich breit de Aure wede verschlosse domit mer nix sieht doch et Roofe verzweifelt mer hürt et esch laut Politik is mit schuld aan däm inzwei breche der Völkerverstängijung Früngdschaff hürt op wenn et öm de eijene Jeldbüggel jeht un wenn mer für multi kulti immer mie bezahlen deht	Am Strand Fröher soh mer Pänz noch tobe soh sie spille soh sie balje sie bauten Burje sich uss Sand hück baue sie die uss Alje Datt zeich uns all wie dumm mer sinn mir hann uns domit affjefunge mit dem Dreck der uns verseuch et is normal datt Künger hooste datt mer Hooss un datt mer keusch De welt is Dut wed ich jetz schriewe weil de Sennskähl ald laach schriew mit Hoffnung datt sich jeder minsch einmol jedanke mäd Fröher soh mer Pänz noch tobe soh sie spille so sie balje janz draurisch wor et aanzusinn jestorwe sinn sie unger Alje
Am Rhing Ich wor für langer Zick in Kölle un jing spaziere do am Rhing vum Bootssteeg der do vür mir wo warf ich ne kleine Stein erinn Do daach ich su bei mir ach wör de Rhing doch nur su ring un klor wie unsre Rhing su fließend schön vür jar nitt langer Zick noch wor Luur in et Wasser trüb un dreckisch un denke nur die liere et nie die die vun Schiffe dreck aff loosse ob Fabrike ob Chemie Et stimmp mich draurisch denn ich wor in Kölle für einijer Zick do wor ne Strom de nannt sich Rhing in der do leev vill Dreck erinn De Strom der uns Drinkwasser joov de Strom der uns su villes bot de Strom der mir verjesse hann der fließ zwar noch doch her is Dut	Aan ming Frau Du ming Frau du stehs immer zo mir egal watt och kütt dofür danken ich dir du liebst mich bis treu mir un du schenks mir ding Laache ich weiß kein andre künnt besser et maache su saach ich ob ewisch et fällt mir nitt schwer ich dank dir mie Leevje un ich lieben dich sehr Erinnerung Verjange sinn der Jurend Johre verjange Jurendglöck su reif un doch noch unerfahre denk jän ich draan zoröck all datt watt ich zoröck jeloosse Erinnerung aan Freud un Leid datt is ich kann et jar nitt gläuwe su no un doch su wigg nä kriesche dunn ich nitt oh Jurend ich hann mit dir su  vill jeliert ich lääw jetzt vun Erinnerunge die du mir häß suvill beschert De Beich Ich hann su off ald jeloore hann vill Minsche Unrecht jedonn Ich hann och schon suvill bedrohe un stellten och suvill schon aan bejert hann ich och ald vill Fraue hann mit minger Eldere jezank ich hann esu vill bekumme doch hann ich nitt immer jedank Ich hann zwar jeliert stets zo deile doch hann ich nitt immer jedeilt vill Wunde die ich hann jeschnidde et durt bis datt alles verheilt un doch wie et Jesus jesaat hät wer sich frei sprich vun Schuld un Pein knie ich nieder für üch un ich waaden der wirf jetz de eeschte Stein
Leeve Zinterklos   Leeve Zinterklos luur enns op de Stroß mer wulle Schledde fahre schenk uns in de Naach en wieße Praach mer dunn och danke saare Leeve Zinterklos saach wann jeht et loss wann fällt de eeschte Schnei danke leeve Zinterklos Hey Mann du bis OK.   De Hungk de bellt aan de Dür et schellt minge klein will in de Keller jonn de Schleddekuve wede glatt poleet späder op de Stroß her steht   Singe Blick no bove in de Himmel jeht her brüllt och laut dat et jeder versteht denn zum Schleddefahre un zum zum fahre op de Schi do bruche mer he Schnei   Leeve Zinterklos luur enns op de Stroß mer wulle Schledde fahre schenk uns in de Naach en wieße Praach Mer dunn och danke saare leeve Zinterklos saach wann jeht et loss wann fällt de eeschte Schnei danke leeve Zinterklos Hey Mann du bis OK.   Als et dunkel wod kom de Klein no huss wäsche Zäng jeputz un her trog sich uss un her jing in et Bett un her schleef flöck in dann hät her im Draum jesinn   Im Himmel soh her all die Engelcher wie se Wolke ussjeschödelt hann un im janze Land un bei uns he in de Stadt do hät mer Schnei hück satt   Leeve Zinterklos luur enns op de Stroß mer wulle Schledde fahre schenk uns in de Naach en wieße Praach mer dunn och danke saare leeve Zinterklos saach wann jeht et loss wann fällt de eeschte Schnei danke leeve Zinterklos Hey Mann du bis OK.	Hey du   Jeden Daach is et et selve jehs maloche wie e Pääd du klopps Stunde wie de Düvel un du liss bahl ob de Ääd all ding Knoche dunn dir wieh du bis möd kaputt jeschlauch denn de Chef un ding Kolleje hann dich hück all aanjefauch drömm saach ich hey hey du maach e ander Jeseesch   Hey du Loss de Kopp nitt hänge Ich saach hey hey du dunn doch nitt esu schänge Hey hey du maach e ander Jeseesch Süns küste mit keinem jo mit keinem zurääch Ich sarre hey hey du maach e ander Jeseesch   Jo joot is et wenn de över all ding Sorje stehs Un Probleme janz egal wie groß sie sinn einfach verjiss Denn jet Ruh für de Body hät noch keinem jet jeschaat Wenn de ömfälls für Erschöpfung jo do hann mer der Salat Ich saare hey hey du maach e ander Jeseesch   Hey du Loss de Kopp nitt hänge Ich saach hey hey du dunn doch nitt es schänge Hey hey du manch e ander Jeseesch Süns küste mit keinem jo mit keinem zurääch Ich sarre heyh ey du maach e ander Jeseesch
Danke für Ihr Interesse an meinen Texten und Gedichten, Ihr Klaus Krumsdorf